Archiv

Cheu anfleis vus ina gliesta dils davos teaters che nus havein giugau.

Miu meglier amitg....

Elwood P. Down, in amabel e social um da cumpignia, ch'ins sto semplamein ver bugen - sche siu amitg imaginar Harry fuss buc. Quella gronda lieur alva accumpogna Elwood dapertut. Silla gnarva va quei cunzun a sia sora Lilly e sia niaza Mary-Lou. E cu quei duo blamescha lu aunc mumma e feglia tier il forum dalla mesjamna, pren Lilly ina decisiun: Elwood sto vegnir mess en ina clinica e drova ina terapia. In plan cun certas difficultads...

Stress el "Champus-Express"

Accumpignei Richard e Catrina tier siu spectacular enguladetsch el bistro dil "Champus-Express". Ina lingia da tren privatisada cuns hosps bein situai, che duessen vegnir puppergnai sin il viadi tochen a Vienna cun ina exclusiva purschida da champagner. La realisaziun digl enguladetsch para pil duo dat esser sempla sco era geniala. Els engolan la cassa dil bistro, bein emplenida cun daners, e nezegian la suletta e cuorta fermada, cuort avon Vienna per fugir ord il tren e scappar.

Tut mo engulau...

La veta d'Eric Swan ei buca sempla. Gia dapi dus onns eis el senza lavur ed ha aunc buca ughegiau da tradir quei ad enzatgi. La Famiglia viva da daners che Eric incassescha digl tilled social e quei muort conhabitonts inventai. Tochen uss ha aunt negin encurschiu sia cuglienada. Mo cura the tut quellas manzegnas paran da vegnir alla glisch, decida el da Far meisa schubra. euei ei denton ph sempel detg che Fatg ! Ina persuna suenter l'autra cumpara e vul enzatgei dad el, negin selai scatschar. Cura che tut las manzegnas ed intrigas ein discuvretgas capeta enzatgei tut nunspitgau...

Tgei Viriveri

La cumedia «Tgei viriveri» raquenta d’ina sera avon l’emprova generala publica d’in toc criminal plein tensiun. El teater local regia ina pulita hectica. In actur maunca numnadamein perquei ch’el ha rut ina comba e siu substitut ha retard ed ei buc per peis. Il substitut duei esser buns e ha gia giugau biaras gadas quei toc. Negin sa denton co el vesa ora. La sera, cuort avon l’emprova generala publica, ei la gnervusadad strusch pli da supportar. La sala d’aspectaturs ei beinpleina. Igl actur substitut maunca aunc adina.

Ord il moni

Tschappar l'occasiun pil cavez! tratga il cusseglier naziunal Artur Aebi dalla PPS. El organisescha in tête à tête romantic cun
 ina secretaria dalla PS en ina suita dil Parkhotel Federal. La sort denton manegia buc bein cun el ed aunc pli pauc cun siu assistent Willy Waser. El secavistrescha pli ditg e pli fetg en stgisas e manzegnas e manevrescha aschia Waser e sesez en grondas difficultads. Aebi emprova da zuppentar sia affera malgartegiada cun tut ils rampins - avon sia dunna, in directur dil hotel disfidont e buc il davos avon in detectiv ch'ei savens senza schientscha.

Treis babs cucu

Cumedia en treis acts Paula Parfinchel incassescha dapi 25 onns aliments da treis umens per siu fegl Paul. Carli Cucu, siu collega Tomas Maset, sco era il striun Gion Meier han adina pagau regularmein, cunquei che mintgin ha giu da gliez temps in “techtelmechtel” cun la giuvna Paula e mintgin tratga dad esser il bab. L′intriga da Paula vegn alla glisch cu la feglia da Cucu s′inamurescha en Paul. Cunquei che Cucu ei dil ferm avis che quels dus seigien fargliuns, emprova el dad impedir quella relaziun cun tutta vehemenza.

Sexappeal

Ella veta dad Aron reussescha buc tut sco quei ch'el haveva mess avon. Aschia sedecida el da far ina fi n cun sia paupra veta terrestra. Egl internet anfla el LA pusseivladad per ina sperta fi niziun senza dolur e pitir. Suenter la viseta dil capo dalla fatschenta agid tier suicidi fetg activ sa ei pia schabegiar en mintga minuta. E quei entras in assassin nunenconuschent. Mo plascher e disgrazia ein buc da separar en quella cumedia. Duront che Aron spetga sin sia fin, festivescha il vischin Franz la fi asta da siu trentavel anniversari.

Pretty Belinda

Igl ei buc da crer! Suenter 15 onns dat la lètg da Belinda ed Alan ell´aua. Ton pli dramatica vegn la separaziun da lètg che stat avon porta, cu Belinda intervegn dallas numerusas afferas da siu um. Belinda ei schoccada dil cunfar da siu um. Perquei eis ei gest dretg ad ella che sias amitgas Maggy e Felicia envidan ella ad ina fin d’jamna da bellezia per puppergnar ella el hotel da Wellness Club Mutamento. Mo cheu sentaupan sias tuttavia buc semplas amitgas cul persunal da wellness – e pér ussa entscheivan las dretgas turbulenzas per Belinda e sias amitgas.

"Tgei teater cun quei teater "

Marc habitescha en ina cuminonza da viver divertenta e gauda la veta da marcau. Ses geniturs habiteschan per cletg lunsch naven, ch’ ei intervegnan pauc ni nuot dalla veta dil fegl gagliard ch’ ei signada da far parties. Els crein aunc adina che siu fegl studegi, per saver cuntinuar la tradiziun da famiglia e surprender in di l’ advocatura dils geniturs. Marc denton siemia d’ ina carriera sco actur da teater. Ord quei motiv absolvescha el dapi onns ina scola d’ acturs.

Miralago maximalo

Peter Casparis, igl anteriur schef d'ina fatschenta da reclama, e sia dunna, han adempliu a sesez in vegl siemi. Els han cumprau il hotel Miralago ad Aldaco sper Lugano. Els vulan passentar lur temps da pensiun el Tessin. Martin Farbun, il commerciant d'immobiglias, ei vidlunder da sfalsificar ina bilanza e serrar giu in bien quen per l'atgna buorsa. El ei in contemporan propi antipatic che sedeporta da maniera rubiestia e senza scrupels enviers ses concarstgauns. El cugliuna buc mo sia dunna, mobein era siu schef. Lez freda la puorla e scuviera las irregularitads.

Il brischavinars dalla Muota

Als chritichers, als buns sco era als schliats seigi tradiu gia ordavon, ch' ils schabetgs entuorn il brischavinars dalla Muota ein buca ina praula. Il eveniments ein succedi en semegliontas fuormas. Il toc ei buc in sclariment mo persuenter divertents e salaus cun ina detga purziun tgaus dirs, stuorns, loschs, inamurai, schliats e buns carstgauns. Era maunca la filosofia dalla veta buca.

In mazzament vegn annunziaus

"Venderdis, ils 13 d' october allas 18.30 uras vegn a succeder in mazzamnt a Chipping Cleghorn. Amitgs ed enconuschents ein envidai cordialmein."

Quei inserat vegn publicaus el fegl jamnil da Chipping Cleghorn en l' Engheltiara.
Ina sgnocca? In niev giug? Ni forsa tuttina ina caussa sanguinusa?

En mintga cass succeda il mazzament, gest sco publicau. Quei a Little Paddocks, la casa da Letita Blacklock che viva leu cun Dora Brunner, in nevs ed ina niaza, ina sublocataria ed ina fumitgasa.

Temps: Entuorn ils onns 1960

Mafia Lady Xenia

Patric Frick meina ensemen cun sia mumma in bein puril cun ina pensiun. Tut va ordvart bein ed il mund ei intacts, tochen che la Mafia-Lady Xenia baghegia in hotel luxurius. Uss eis ei finiu cun quei mund idillic e Patric e sia glieud paran da stuer ir tras gl' uffiern. Ils hosps vegnan buca pli tier el, mobein van el hotel luxurius.

Schizun il president da vischnauna ha Xenia saviu trer da sia vart. Cun pussonza e malezia emprova Xenia da cumprar

Pizza greca

La pizzeria da Pitt e Caroline renda pauc. Cheu gudognan els 50'000.- francs. Els vulan renovar lur local, per saver gudignar dapli raps cun quel. Denton els stuessan era pagar anavos in credit ella medema summa alla sora da Caroline, Silvia che viva en Grecia. Mo che lezza ha era bia raps spetgan els aunc da pagar.

La renovaziun entscheiva.

...Mo lu annunzia Silvia sia viseta a casa!

Nua schar svanir la bara

Strusch che Jutta ei ella habitaziun da siu niev mariu, entscheiva gia l' emprema dispeta. En gretta dat ella a Fredi cun ina

butteglia giu pil tgau. Ella crei ch' el seigi orts e zuppa l sut canapé. Lu telefonescha ella a sia mumma per che lezza gidi a schar

svanir il miert. Dentn ussa entscheivan las difficultads per da dretg!

Da tuttas sorts glieud vegnan en casa e tuts vulan zatgei da Fredi. Cun bia cletg e manzegnas reussescha ei allas duas femnas

da mitschar da situaziuns precaras. Forsa era dall bara...? Mo.... nua schar ... svanir la bara?

Tut mo pervia dil dies

Tut mo pervia dil dies

Leonard ei pilot e lunsch naven. Sally gauda a casa bialas uras cun siu amitg Peter Raven, ch' ei moderatur da televisiun.

Peter survegn in degliadies e resta ferms en bognera. Il caos entscheiva cu Mr. Phips, igl accordader da clavazins ch' ei tschocs, vegn.

Leonard tuorna nuspitgadamein a casa e crei ch' il miedi d' urgenza, Dr. Mc Kenzie, seigi in installatur. Annabelle, la flight-attendant. lu Jocelyn Standing, la menadra da partiziun PR tier la televisiun, gidan a cumpletar suspecziuns.

Igl attest matrimonial

Il stagner Daniel Brozowski ha anflau el pop-mumma Robert il perfetg um per si feglia Vicki. Cuort avon las nozzas vul la pedantica mumma da Robert veser igl attest matrimonial da Daniel e Marta. Mo tut igl encurir gida nuot; igl attest ei sparius.

Daniel e Marta ein s' entupai avon 25 onns el kibbuz ed ein lu beingleiti vivi ensemen, probabel senza attest matrimonial. Il plan da maridar danovamein gartegia buc, demai che Marta vul buca pli Daniel.